Қырғызстан астанасында Ұлы Абайдың ескерткіші орнатылып, ашылу салтанатына Қазақстан Республикасының Президенті Қасым-Жомарт Тоқаев пен Қырғызстан Республикасының Президенті Садыр Жапаров қатысты.  

Мемлекет басшысы бұл күнді қазақ пен қырғыздың рухани өміріндегі ерекше күн ретінде бағалап, Бішкек төрінде Абай ескерткішінің бой көтеруін қырғыз елінің қазақ халқына деген айрықша құрметінің белгісі деп атап өтті. 

Тұғырымен қоса есептегенде жалпы биіктігі 4,6 метр болатын ұлы ойшылдың мүсіні Бішкек қаласындағы,  «Театральный» орталық алаңында орнатылды. Ескерткіш қоладан, тұғыры гранит тастан жасалған. Ескерткіштің авторы - мүсінші, ҚР Суретшілер одағының мүшесі - Асқар Нартов. Жоба ҚР Мәдениет және спорт министрлігінің тапсырмасымен, “Қазқайтажаңарту” кәсіпорыны жүзеге асырды. Жобалық-сметалық құжаттамасы "Нұрлан Смағұлов қоры" жеке қорының қаржылық демеушілігімен әзірленді.

Қазақтың ұлы ақыны Абайдың мәртебесі тек еліміздің көлемінде емес, шет елдерде де асқақ екені белгілі. Себебі, ұлы ақынның мол мұрасы, адамгершілік өсиеттері халқымыздың ғана емес, барша түркі елдерінің игілігіне айналды.

18 СӘУІР - ХАЛЫҚАРАЛЫҚ ЕСКЕРТКІШТЕР МЕН ТАРИХИ ОРЫНДАРДЫ ҚОРҒАУ КҮНІ

ҚР Мәдениет және спорт министрлігінің Мәдениет комитетінің төрағасы Роза Кәрібжанова Әзірет Сұлтан қорық-музейі және Ежелгі Отырар қалашығындағы бірқатар нысандарды аралап қайтты.

Іссапар барысында кешенді нысандардағы былтырғы жүргізілген ғылыми-реставрациялық жұмыстардың және ағымдағы жылы атқарылатын жұмыстардың жоспарымен танысты.

Сәйкесінше, объектілердің жай-күйі егжей-тегжейлі талқыланып, бірқатар мәселелер пысықталды.

Сонымен қатар, тарихи-мәдени нысандарды сақтап қалу мақсатында алдағы уақытта атқарылатын жұмыстар нақтыланды.

Басқосуға, “Қазқайтажаңарту” РМК басшылығы, музей- қорық басшылықтары, жобалаушы, археолог мамандар қатысты.

⚜️«Қазқайтажаңарту» республикалық мемлекеттік кәсіпорнының 50 жылдық мерейтойына орай және Ұлыстың ұлы күні Наурыз мерекесін атап өтуге арналған мерекелік іс-шара ұйымдастырылды.

⚜️Шараға, Алматы қаласындағы Мәдениет және өнер саласындағы әріптестеріміз, кәсіпорнымыздың ардагерлері және қызметкерлері қатысты.

⚜️Көпшілік алдында кәсіпорынымыздың қызметкерлері мен қонақтары қол күрестіру, арқан тарту және гір көтеру сынды ұлттық спорт түрлерінен бақ сынасты. Жүлдегерлер анықталынып, марапатталды.

⚜️Ұлттық нақыштағы тігілген киіз үй төрінде қонақтарға ас тартылып, дәстүрлі ұлттық тағам - Наурыз көже ұсынылды. Мерекелік концерт өз жалғасын тапты.

Сонымен қатар, кәсіпорынның бас директоры Махаббат Бигельдиев құттықтау сөз сөйлеп, Наурыз мерекесімен тұспа-тұс келіп отырған Кәсіпорынның 50 жылдық мерейтойымен құттықтап, ұжымның игі бастамаларына сәттілік тіледі.

⚜️Бұдан өзге, «Қарттарымыз - асыл қазынамыз» демекші, реставрация, реконструкция, қалпына келтіру бағытындағы жұмыстардың дамуына сүбелі үлесін аянбай қосып келген Кәсіпорынымыздың ардагерлеріне сый-құрмет көрсетілді.

Ағымдағы жылдың 2-3 желтоқсан аралығында Қазақстан Республикасының Ұлттық кітапханасында, Қазақстан Республикасының Мәдениет және спорт министрлігінің ұйымдастыруымен, Мәдениет комитетінің төрағасы Ақан Абдуалиевтың қатысуымен «Жібек жолы: Ферғана-Сырдария дәлізі» бойынша жұмыс тобының өңірлік кеңесі өтті.

Кеңесте «Жібек жолы: Ферғана-Сырдария дәлізі» трансұлттық номинациясының алдын-ала тізіміне ескерткіштерді енгізу үшін, объектілердегі үйлестіру және критерийлерді анықтау мәселелері, трансұлттық номинацияның іс-қимыл жоспарын ілгерілету арқылы  өзектендіру  және объектілер тізімін бекіту бойынша бірқатар маңызды мәселелер талқыланды.

Сонымен қатар, номинацияның тізіміне енгізілуі үшін еліміздегі республикалық маңызы бар тарих және мәдениет ескерткіштерінің презентациясы қатысушылардың назарына ұсынылды. 

Екі күнге жалғасқан жиын аясында алыс-жақыннан келген қатысушылардың баяндамасы тыңдалып, қатысушылар өзара пікірлесті.

Жиынға Қазақстан Республикасы Мәдениет және спорт министрлігінің, Қырғыз Республикасы Мәдениет, ақпарат және туризм министрлігінің, Тәжікстан Республикасы Мәдениет министрлігінің, Өзбекстан Республикасы ЮНЕСКО істері жөніндегі ұлттық комиссияның, Қазақстан, Қырғызстан, Тәжікстан және Өзбекстан бойынша Алматыдағы ЮНЕСКО Кластерлік Бюросының, Орталық Азия зерттеулері халықаралық институтының және Қазақстан Республикасының ЮНЕСКО және ИСЕСКО істері жөніндегі ұлттық комиссиясы жанындағы Дүниежүзілік мұра ұлттық комитетінің өкілдері қатысты.

Ортағасырлық Сарайшық қалашығын ғылыми-зерттеу, қалпына келтіру және сақтау мәселелері бойынша кеңес өтті.

Жиын барысында, Ортағасырлық Сарайшық қалашығында атқарылатын келелі мәселелерді қарастырып , оның шешу жолдары бойынша қатысушылар өзара пікір алмасты.

Басқосуға ҚР Мәдениет және спорт министрлігінің Мәдениет комитетінің төрағасы Ақан Абдуалиев, «Қазқайтажаңарту» РМК бас директоры Махаббат Бигельдиев, музей-қорық басшылығы, өндірістік-техникалық бөлімінің мамандары, жоба авторы және археолог-мамандар  қатысты.

Жалпы, қазақ даласындағы ең көне тарихи орындардың бірі-Сарайшық қаласы.

Қала Жайық өзенінің жағасында Атырау қаласынан елу шақырым қашықтықта орналасқан.

Жиын қорытындысы бойынша, күн тәртібіндегі мәселелер толық талқыланып, жоспарлар құрылды.

Келер жылға атқарылатын жұмыстар белгіленді.