«Қазқайтажаңарту» кәсіпорны Түркістан облысындағы «Әзірет Сұлтан» мемлекеттік тарихи-мәдени қорық-музейінде мемлекеттік тапсырма бойынша ескерткіштерді қайтажаңарту жұмыстарын бастағанын атап айтқан болатынбыз.
Қожа Ахмет Яссауи кесенесінің шығыс мұнарасынан оңтүстікке қарай 40 м. жерде орналасқан Сегіз қырлы кесенесінде (ХІV-ХVІІ ғғ.) қайтажөндеу жұмыстары басталды.
Жөндеу жұмыстары ағымдағы жылдың наурыз айының соңында аяқталады деп жоспарлануда.
«Қазқайтажаңарту» кәсіпорны Түркістан облысындағы «Әзірет Сұлтан» мемлекеттік тарихи-мәдени қорық-музейінде қайтажаңарту жұмыстарын бастады.
Қазіргі уақытта жаңарту жұмыстары XVII ғасырда бой көтерген Есім ханның кесенесінде жүргізілуде.
Сондай-ақ, қайтажөндеу жұмыстары XIV-XVII ғасырдағы Сегізбұрышты кесене мен XI-XII ғасырдағы Шілдехана ескерткішінде де басталып кетті.
ҚР Премьер-министрінің орынбасары Әбдіқалықова Гүлшара Түркістан қаласына арнайы іссапармен келді. «Қазқайтажаңарту» кәсіпорны директоры Садуов Асылхан 88,7 гектар аумақта орналасқан "Әзірет Сұлтан" қорық музейіне қарасты 17 тарихи-мәдени ескерткіштерін қайта қалпына келтіру жұмыстарының жобасын ұсынды.
Премьер-министрінің орынбасарына әр нысан бойынша ғылыми зерттеу жұмыстарының тұжырымдамасы бойынша анықталған кезеңдік жұмыстары мен визуалды жобалары көрсетіліп, ағымдағы жоспарлар мен жүргізіліп жатқан жұмыстар туралы баяндалды.
«Қазқайтажаңарту» кәсіпорны қорғау аумағындағы 17 тарихи-мәдени ескерткіштер бойынша ғылыми жобалық және сметалық құжаттамалар әзірлеп, 2021 жылға дейін жұмыстар жоспарын құрып, қазіргі уақытта Қожа Ахмет Ясауи, Жеті ата қақпа және Үндемес Ата кесенесінде қайта жаңғырту жұмыстарын бастап кетті.
ҚР Президенті Қасым-Жомарт Тоқаевпен Түркістан қаласында өткен кездесуіне «Қазқайтажаңарту» кәсіпорны директоры Садуов Асылхан қатысты. Президентіміз: «...Ежелгі Түркістанның жаңғыруы және жаңаруы даму жолымыздың дұрыстығын көрсетеді. Президент ретіндегі алғашқы сапарымның Түркістаннан басталғаны мен үшін аса маңызды», – деп өз баяндамасында атап өткен болатын.
«Қазқайтажаңарту» кәсіпорны наурыз айында Қожа Ахмет Ясауи кесенесі мен Отырар қалашығында 2019 жылға жоспарланған қайта қалпына келтіру жұмыстарын бастады.
Наурыз мерекесі қарсаңында Қазқайтажаңарту кәсіпорны ұйымдастыруымен, Орталық концерт залы, ҚР Ұлттық музей, Ұлттық архив, Бозоқ қорық-музейі және кәсіпорын ұжымының қатысуымен Устел теннисі бойынша сайыс өтті. Сайыскерлер бірнеше сайыс кезеңінен өтіп, ең үздік спортшылар мадақтамалармен марапаттады.
23 қаңтар күні Астана қаласында «Тәуелсіздіктің ұрпақтары» атауымен Жастар жылының ашылу салтанаты өтті. Іс-шараға Мемлекет басшысы, Үкімет мүшелері, ҚР Парламенті депутаттары, жергілікті атқарушы органдар басшылары, ҚР Президенті жанындағы Жастар саясаты кеңесінің мүшелері, «100 жаңа есім» байқауының жеңімпаздары, «Болашақ» бағдарламасының түлектері, жас ғалымдар қатысты. Сонымен қатар бұл жиынға шығармашылық, студенттік және жұмысшы жастар өкілдері, жас спортшылар, дарынды балалар, заманауи медиа саласының өкілдері, балалар үйінің тәрбиеленушілері мен түлектері, жас әскери қызметшілер шықырылды. Осылайша, елімізде мемлекеттік жастар саясатын жан-жақты қолдау мен жүзеге асыруға бағытталған ауқымды іс-қимыл жоспарын іске асыру бастау алды. Салтанатты жиын барысында жастар жүзеге асырған табысты жобалар мен жаңа өнімдердер таныстырылды. Бұдан бұрын хабарланғандай, Қазақстанда Жастар жылының логотипі бекітілді. Еске сала кетсек, ҚР Президенті Нұрсұлтан Назарбаев Қазақстан халқына биылғы Жолдауында 2019 жылды Жастар жылы деп жариялауды ұсынған болатын. Президент өз сөзінде жастардың барлық санатын қолдауға арналған шараларды толық қамтитын әлеуметтік сатының ауқымды платформасын қалыптастыру керектігін айтқан болатын. Ал, арада бір айдан астам уақыт өткенде Елбасы Жарлығымен 2019 жыл Жастар жылы деп жарияланды. #ILoveQazaqstan, #ElimdiSuiemin, #JastarAlga, #JarqynBolashaq. #ЯЛюблюКазахстан, #ЯЗаЕлбасы.
21 қаңтар күні Қазақстан Республикасы Мәдениет және спорт министрлігінің Баспасөз орталығында «Қазқайтажаңарту» республикалық мемлекеттік кәсіпорны бас директордың м.а. Садуов Асылхан Жұмабайұлы, «Берел» мемлекеттік тарихи-мәдени музей-қорығының директоры Ахмадиев Жангелді Жанабекұлы және «Қазақ ғылыми зерттеу мәдениет институты» ЖШС директоры Хазбулатов Андрей Равильевич қатысуымен баспасөз конференциясы өтті.
Садуов Асылхан 2018 жылғы мемлекеттік тапсырмаға сәйкес Мәдениет және спорт министрлігі бекіткен жоспарының аясында Қазақстанның тарихи-мәдени мұраларын зерттеп-зерделеу, сақтап қалу, қайтажаңғырту және консервациялау бойынша атқарған жұмыстарына баяндама жасады. Сонымен қатар, кәсіпорын Елбасының «Ұлы даланың жеті қыры» мақаласында айтылған мәселелерді қамтитын 2019 жылға жұмыс жоспарларымен бөлісті.
«Берел» мемлекеттік тарихи-мәдени музей-қорығы және «Қазақ ғылыми зерттеу мәдениет институты» ЖШС басшылары «Қазқайтажаңарту» кәсіпорнының бірлесіп жұмыс істеудегі белсенділігіне алғыстарын білдіріп, алдағы уақытта кәсіпорын қызметіне сәттілік тілеп, лебіздерін білдірді.
2019 жылы «Қазқайтажаңарту» кәсіпорны Қазақстан бойынша 23 тарихи-мәдени ескерткіштері бойынша ғылыми жобалық және сметалық құжаттамалар әзірлеп, қайта қалпын келтіру жұмыстарын жүргізуді жоспарлап отыр.
17 қаңтар күні «Қазқайтажаңарту» кәсіпорны Ясауи атындағы Халықаралық қазақ-түрік университетімен өзара ынтымақтастық туралы меморандумға қол қойды. Меморандумда ғылыми-зерттеу және мәдени білім беру іс-шараларын бірлесіп әзірлеу және тарихи-мәдени ескерткіштерде археологиялық зерттеулер жүргізу, қайта қалпына келтіру, консервациялау, музейлендіру бойынша мамандар серіктестігін ұйымдастыру, сондай-ақ керекті материалдармен бөлісу мәселелері егжей-тегжейлі қарастырылған.
«Қазқайтажаңарту» кәсіпорны биыл, «Жастар жылында» болашақ ұрпақты қолдау мақсатында студенттерге арналған реставрациялық лагерьлерді құруды көздеп отыр. Осы тұрғыда Ясауи атындағы Халықаралық қазақ-түрік университетімен серіктестігіміз қызметіміздің ғылыми құрамдас бөлігімен қоса, жастардың тарихи-мәдени сауаттылығын арттыруда үлкен үлесін қосады деген сенімдеміз.
Страница 20 из 37