«Қазқайтажаңарту» РМК 1-15 қыркүйек аралығында атқарған жұмыстары. Аппақ Ишан кесенесінде күмбездерді ауа өткізгіш қыштарымен қалау және оны әрлеу қыштарымен қаптау жұмыстары жүргізілді.

2018 жылдың 6 қыркүйек күні «Қазқайтажаңарту» кәсіпорны Түркия мемлекетінен арнайы шақыртумен келген Түрік даму және ынтымақтастық жөніндегі агенттігі (TIKA) өкілдерімен кездесу өткізді. Кездесудің басты қонақтары Анталия қаласындағы Ақтеңіз университетінің Бейнелеу өнері факультетінің деканы, профессор Осман Эравшар және TIKA-ның Қазақстандағы өкілі Эвран Рутбил. Кездесу халықаралық тәжірибе алмасу мақсатында өтті. Кәсіпорын мен TIKA бірлескен жоба бойынша ұсыныстар мен мәселелерді талқылады.

Қонақтарға 6-7 қыркүйек күндері Алматы өңіріндегі тарих және мәдениет ескерткіштерін, мәдени нысандарды көрсету жоспарланған.

«Қазқайтажаңарту» РМК 13-31 тамыз аралығында атқарған жұмыстары. Жидебайдағы Абай-Шәкәрім мавзолей-кешенінде витраж шамының тірегі толық ауыстырылды. Жиектастар тормен қапталып, беті тегістелді және сыланды. Төсеніш орнату жұмыстары аяқталды. Төсеніш астында тұтастырғыш төселді. Сонымен қатар кіреберіс қасбеті қалпына келтірілді. Ескерткіштің ішкі бөлігіндегі мәрмәр тақтайшалары қайта қалпына келтірілді.

«Қазқайтажаңарту» РМК 13-31 тамыз аралығында атқарған жұмыстары. Баб Араб кесенесінің күмбезі толық қалпына келтірілді. Кесене қабырғасының іргетасы қаланды және ішкі қабырғаны сылау жұмыстары аяқталды. Сонымен қатар, күмбез іргесіне төсеніш орнатылып, реставрациялық кірпішпен қапталып, сыланды. Іргетастың беті битуммен сыланды және гидроошақталды. 
Үндемес ата кесенесінің қабырғасы консервацияланды.

«Қазқайтажаңарту» РМК 13-31 тамыз аралығында атқарған жұмыстары. Қарасай және Ағынтай батырлар мемориалдық кешенінде кіреберісте және кешен аумағында тақтайшаларды орнату жұмыстары аяқталды. Қоршаулар қалпына келтірілді. Кесене сыртындағы торды қалпына келтіру жұмыстары аяқталды. Қазіргі уақытта клинкер тақтайшалары төсенішін және мешітті қалпына келтіру жұмыстары жүргізілуде.

«Қазқайтажаңарту» РМК 13-31 тамыз аралығында атқарған жұмыстары. Талғар қалашығында ескерткіш аумағында қоршау орнату жұмыстары жалғасуда. Ескерткіштің сыртқы екі жақ қабырғаларын сылау жұмыстары аяқталды. Сонымен қатар, жақтау күйдірілген кірпішпен қапталды және ішкі беті нығайтылды. Арқалық орнату үшін ішкі қабырғаға кірпіш қаланды. Аркалық тоғыспа кірпішпен қаланды.

«Қазқайтажаңарту» РМК 13-31 тамыз аралығында атқарған жұмыстары. Қозы-Көрпеш – Баян Сұлу кесенесінде қайта қалпына келтіру жұмыстары аяқталды. 414 метр қоршау орнатылды және ескерткіштің іргетасы тазаланды. Ішкі жақта еден көтеріліп, тас төселді. Қабыр жоба бойынша 45 см көтеріліп, қайта қаланды. Сыртқы қабырғаларды сылау жұмыстары аяқталды. Сонымен қатар, жиектастар ауыстырылып, толық қалпына келтірілді.

«Қазқайтажаңарту» РМК 13-31 тамыз аралығында атқарған жұмыстары. Қожа Ахмет Ясауи кесенесінде үлкен күмбезге ағаштан саты орнату жұмыстары жүргізілді.