Қазақстан Республикасының Ұлттық валюта күніне орай, ҚР Мәдениет және ақпарат министрі Аида Балаеваның Алғыс хатымен «Қазқайтажаңарту» РМК бас есепшісі Абенбаева Эльмира Сейсенбекқызы марапатталды.
Марапатты Кәсіпорнымыздың бас директоры Махаббат Бигельдиев табыс етті.
Марапат иесін шын жүректен құттықтаймыз! 💐💐💐
ҚР Мәдениет және ақпарат вице - министрі Арман Жүдебаев жұмыс сапарымен Түркістанға барып, Қожа Ахмет Ясауи кесенесінің бүгінгі жай күйімен танысты.
Сапар барысында Кесенедегі жүргізілген ғылыми-реставрациялық, қайта-қалпына келтіру жұмыстарын саралады.
Әрі қарай Кесенедегі кешенді ғылыми-зерттеу жұмыстарын ұйымдастыратын, жүргізетін арнайы мониторинг орталықтың жұмысымен танысты.
«Қазқайтажаңарту» кәсіпорнының Қызылорда филиалы Ақтөбе облысында орналасқан Қарасақал және Дәуімшар қорымдарында ғылыми-реставрациялық жұмыстарды толығымен аяқтады. Қорымдардағы кесенелерге, сағанатамдарға қайта қалпына келтіру жұмыстары жүргізіліп, аумақты қоршау бойынша жұмыстар атқарылды.
«Қазқайтажаңарту» РМК қарасты Батыс Қазақстан филиалында ұзақ уақыт еңбек еткен әріптесіміз өндірістік-техникалық бөлімінің жетекші инженері Сизикова Лидия Ивановнаны мерейтойымен шын жүректен құттықтаймыз!
Филиал директоры Асланбек Сатыбалдиев Кәсіпорынның бас директоры Махаббат Бигельдиевтің Алғыс хатын табыс етіп, сый құрмет көрсетілді.
Құрметті Лидия Ивановна!
Осынау жылдар ішінде ұжым Сізді үлкен абырой-беделге ие болған тәжірибелі маман ретінде құрмет тұтып, сыйлайды.
Ізгі ниетпен Сізге қартаймас жайдары көңіл, мәнді де мағыналы өмір, сарқылмас қуат тілейміз!
“Қазқайтажаңарту” ұжымы 💐💐💐
Иран Ислам Республикасының Қазақстан Республикасындағы Елшілігінің ұйымдастыруымен, Иран Ислам Республикасы мен Қазақстан Республикасы арасындағы мәдени мұра ескерткіштерін сақтау бойынша ынтымақтастықты дамыту аясында ZOOM платформасы арқылы онлайн форматта жиын өтті.
Жиынға Иран елшілігінің өкілі Садат Хусени, Иранның Тегеран университетінің Бейнелеу өнері факультетіне қарасты Мәдениет және өнер зерттеу институтының өкілі Сиавош Сабери Кахки, Кәсіпорынның бас директоры Махаббат Бигельдиев және бас директордың өндірістік істері жөніндегі орынбасары Исабек Нұрмағамбетов қатысты.
Жиын барысында мекемелер арасында тарихи ескерткіштерді қалпына келтіру және сақтау саласы бойынша ынтымақтастық және оны одан әрі дамыту мәселелері талқыланды. Сонымен қатар, жоғарыда аталған Мәдениет және зерттеу институтының әр елдерде көне ежелгі туындыларды қалпына келтірудегі тәжірибелерімен бөлісіп, атқарылған жұмыстарына шолу жасады.
Қазақстан Республикасының 25 қазан – Республика күніне орай, ҚР Мәдениет және ақпарат министрі Аида Балаеваның Алғыс хатымен «Қазқайтажаңарту» РМК бас директорының өндірістік істері жөніндегі орынбасары Исабек Нұрмағамбетов және құрылыс жұмыстарын атқарушы маман Нуртулла Бекбергенов марапатталды.
Марапаттарды Кәсіпорнымыздың бас директоры Махаббат Бигельдиев табыс етті.
Марапат иелерін шын жүректен құттықтаймыз! Еңбекте елеулі болып, жетістіктерге жете беріңіздер!
Бүгін онлайн режимде ZOOM платформасы арқылы «Мемлекеттік қалпына келтіру ғылыми-зерттеу институты» Федералды мемлекеттік бюджеттік ғылыми-зерттеу мекемесінің өкілдерімен кездесу өтті.
Кездесуде Қазақстан Республикасы Мәдениет және ақпарат министрлігінің «Қазқайтажаңарту» шаруашылық жүргізу құқығындағы республикалық мемлекеттік кәсіпорны және «Мемлекеттік қалпына келтіру ғылыми-зерттеу институты» Федералды мемлекеттік бюджеттік ғылыми-зерттеу мекемесі өзара ынтымақтастық туралы меморандумға қол қойды.
Меморандумның мақсаты - екі мекеме арасында өзара түсіністікті қолдау, білім беру және тарихи-мәдени және сәулет ескерткіштеріндегі ғылыми зерттеулер саласындағы ынтымақтастықты дамыту болып табылады.
Страница 3 из 37