Кезекті жұмыс сапарымен, «Қазқайтажаңарту» РМК бас директоры Махаббат Бигельдиев Түркістан облысына барды.

Сапар барысында, мемлекеттік тапсырма негізінде, «Әзірет Сұлтан» мемлекеттік тарихи-мәдени қорық-музейіндегі ғылыми-қайта қалпына келтіру жұмыстары жүргізіліп жатқан бірқатар нысандардағы жұмыстардың барысын қадағалап қайтты.

Нысандардағы реставрация, консервация бағытындағы жұмыстар, объектілерді дамытудың бекітілген тұжырымдамалық жоспарына сәйкес жүргізілуде.

Келесі кезекте, «Отырар ежелгі қаласын ішінара қалпына келтіру жөніндегі» жобасы бойынша, «Отырар» қалашығындағы қайта жаңғырту, дамыту бағытында ғылыми-қайта қалпына келтіру жұмыстарының орындалуын бақылап, сәйкесінше, тиісті жауапты мамандарға тапсырмалар берілді.

Жалпы, Кәсіпорынның өндірістік кестесіне сәйкес, нысандардағы ғылыми-реставрация, консервация және қайта қалпына келтіру жұмыстары кезең-кезеңімен жүзеге асырылуда.

 Жұмыстың сапалы және мерзіміне сәйкес орындалуы, Кәсіпорынның назарында.