ҚР Мәдениет және спорт министрлігінің тапсырмасына сәйкес, қазақ халық поэзиясының әйгілі тұлғасы,ақын Жамбыл Жабаевтың 175 жылдығына орай, «Жамбыл музей – үйі» кешенінде ғылыми-қалпына келтіру бағытындағы жұмыстар басталды. Осыған орай, арнайы жұмыс сапарымен ҚР Мәдениет және спорт вице- министрі Нұрғиса Дәуешов келді.
Сапар барысында, Музей-үйіндегі музеефикация бойынша бірқатар ұсыныстар қарастырылып, талқыланды. Сонымен қатар, кесененің техникалық жағдайын ескере отырып, реставрациялық жұмыстардың атқарылып жатқан бағытымен егжей - тегжейлі танысып өтті.
Сәйкесінше, қалпына келтіру жұмыстарының сапалы орындалуы бойынша тиісті мекеме өкілдеріне нақты тапсырмалар берілді.
