«Қазқайтажаңарту» РМК бас директоры Махаббат Бигельдиевтің қатысуымен Қожа Ахмет Яссауи кесенесінің Қазандық бөлмесіндегі сталактит күмбезінің жағдайына байланысты комиссия отырысы өтті.

Жиын барысында “Қазақ  құрылыс және сәулет ғылыми - зерттеу және жобалау институтының”  жүйелік талдау секторының меңгерушісі - Макиш Нұрахмет Мұхамедиярұлы Қазандық бөлмесінің сталактит күмбезінің техникалық жағдайын тексеру нәтижелері бойынша ғылыми - техникалық есебімен егжей-тегжейлі  таныстырып өтті. Қорытынды есепте комиссия мүшелерінің назарына «Қожа Ахмет Яссауи  кесенесінің құрылысы мен реставрация тарихы туралы кейбір мәліметтер» тақырыбында презентация, схемалық жоспарлар және құрылыстың тілімдері, фотоматериалдар ұсынылды.

Сондай-ақ, бұл есеп кесене күмбезінің құрылымдарын визуалды және аспаптық тексеруге негізделген және  кесененің құрылысы мен оны пайдалану кезеңінде күшейтуге қатысты қолжетімді мұрағаттық материалдар алдын ала зерделенген.

Жалпы алғанда, отырыс аясында, күмбездің техникалық жағдайын нығайту және алдын-ала ұсыныстарды әзірлеу үшін, айтулы мәселелер бойынша мазмұнды пікір алмасу болды.