Белгілі жазушы Қазақстан Жазушылар одағы Басқармасының хатшысы, Президент және “Алаш” сыйлықтарының иегері, “Парасат” орденінің иегері Жұмабай Шаштайұлы өмірден өтті.

Жұмабай Шаштайұлы - 1950 жылы 10 қазанда Жамбыл ауданына қарасты Жамбыл ауылында туған.
Еңбек жолында «Коммунизм жолы», «Лениншіл жас», «Социалистік Қазақстан», «Жас Алаш» газеттерінде, «Жалын» журналында қызмет етті. Халықаралық «Заман-Қазақстан» газетінің және «Қазақ әдебиеті» газетінің бас редакторы, сондай-ақ Қазақ радиосының бас редакторы қызметін атқарды.

Жазушының «Қызыл қар», «Жала мен нала», «Жыр жолбарыс» , «Біздің заманның Аяз биі», «Жаңғырық» атты жинақтары мен романдары оқырманның жүрегінен орын тапты.

“Қазқайтажаңарту” кәсіпорнының ұжымы өз заманының қарымды қаламгері Жұмабай Шаштайұлының отбасы мен жақындарына қайғыра көңіл айтамыз.